بعد التسجيل بتدخل على لوحة التحكم الخاصة بشركتك. ابدأ بالترتيب ده:

1. أكّد بريدك الإلكتروني من الرسالة اللي وصلتك علشان تستقبل التذكيرات.
2. من الإعدادات ارفع لوجو شركتك وراجع مراحل البيع ومصادر العملاء.
3. من الموظفين ادعُ فريقك وحدد دور كل واحد.
4. ضيف عملاءك واحد واحد أو استوردهم من ملف Excel/CSV.
5. اعمل مهام بتذكير لكل متابعة مهمة.

زرار البوصلة فوق بيشغّل الجولة التعليمية في أي وقت، وعلامة (؟) جنب أي جزء بتشرحه باختصار.

صفحة العملاء فيها كل بيانات عملائك: الاسم والموبايل والبريد والشركة والمدينة والمصدر والمرحلة.

• المراحل: عميل محتمل ← مهتم ← عميل فعلي ← غير نشط.
• المسؤول: كل عميل له موظف مسؤول، وبيوصله إشعار وإيميل لما العميل يتسند له.
• الاستيراد: من زرار الاستيراد ارفع ملف CSV وطابق الأعمدة.
• البحث: من خانة البحث فوق تقدر توصل لأي عميل بالاسم أو الموبايل.
• من صفحة العميل تقدر تسجّل مكالمة أو ملاحظة أو اجتماع، وتشوف تاريخه كله.

مسار البيع بيعرض صفقاتك كأعمدة حسب المرحلة. اسحب الصفقة من مرحلة للتانية لما تتحرك.

• كل صفقة مرتبطة بعميل ولها قيمة ومسؤول.
• تقدر تعدّل أسماء المراحل وترتيبها من إعدادات المسار.
• الصفقات المكسوبة والخسرانة بتظهر في التقارير.

استخدم المهام لأي متابعة: مكالمة، زيارة، عرض سعر.

• حدد موعد التنفيذ ووقت التذكير والموظف المسؤول.
• في وقت التذكير بيوصل للموظف إشعار جوه الموقع وإيميل فيه كل بيانات العميل (الموبايل والبريد والمرحلة) وزرار اتصال وواتساب مباشر.
• المهام المتأخرة بتظهر برقم أحمر جنب "المهام" في القائمة.

كل موظف ليه دور بيحدد هو يقدر يعمل إيه:

• مالك الشركة: صلاحيات كاملة، ومنها الاشتراك والدفع وحذف البيانات.
• مسؤول الشركة: يدير الموظفين والإعدادات وكل العملاء والصفقات، من غير الاشتراك.
• مدير المبيعات: يشوف ويدير كل العملاء والصفقات والمهام والتقارير ويوزع الشغل على الفريق.
• مشرف الفريق: يتابع فريقه ويوزع عليهم العملاء والمهام ويشوف تقاريرهم.
• مندوب مبيعات: يشتغل على العملاء والصفقات والمهام المسندة له.
• خدمة العملاء: يشوف بيانات العملاء ويسجّل المتابعات والمكالمات.
• مستخدم للعرض فقط: يشوف البيانات من غير ما يعدّل.

تقدر كمان تعمل دور مخصص من الإعدادات ← الأدوار وتختار صلاحياته بالظبط. الدعوة بتوصل بالإيميل، ولو الإيميل مش متاح انسخ رابط الدعوة وابعته واتساب.

التقارير بتوريك أداء المبيعات: عدد العملاء الجدد، الصفقات حسب المرحلة، المكسوب والخسران، وأداء كل موظف. اختار الفترة من فوق، والأرقام بتتحسب حسب صلاحيات دورك.

الأحداث المهمة بتوصلك جوه الموقع (الجرس) وعلى إيميلك المسجل:

• تذكير بمهمة أو موعد اتصال، ومعاه بيانات العميل كاملة.
• إسناد عميل أو صفقة أو مهمة ليك.
• قرب انتهاء الاشتراك.
• رسائل الإدارة المهمة.

لو الإيميلات مش بتوصل، راجع مجلد الـ Spam وضيف العنوان لجهات الاتصال.

من الإعدادات ← التكاملات:

• Meta Lead Ads: اربط صفحة فيسبوك وأي Lead جديد من إعلاناتك بيدخل كعميل تلقائيًا.
• مفاتيح API: اعمل مفتاح علشان تربط موقعك أو أي نظام تاني ويبعت عملاء على AdamCRM.

متاح في الباقات اللي فيها التكاملات.

من صفحة الاشتراك هتلاقي باقتك وتاريخ انتهائها والاستخدام. تقدر تجدد أو ترقّي الباقة بالدفع أونلاين أو بطلب تجديد يدوي، ولو معاك كوبون خصم اكتبه قبل الدفع. الفواتير كلها محفوظة في نفس الصفحة.

من حسابي تقدر تغيّر اسمك وكلمة المرور واللغة، وتفعّل الحماية بخطوتين بأي تطبيق مصادقة (Google Authenticator مثلًا). احتفظ بأكواد الاسترداد في مكان آمن.