مركز المساعدة

نظام لإدارة العملاء والمبيعات (CRM) عربي، معمول للشركات في مصر والخليج. بيجمع عملاءك وصفقاتك ومتابعات فريقك ومهامهم وتقارير المبيعات في مكان واحد، بالعربي والإنجليزي، ويشتغل من الكمبيوتر والموبايل.

أيوه، 30 يوم مجانًا بكل المميزات الأساسية ومن غير ما تدخل أي بيانات دفع. بعد التجربة تختار الباقة المناسبة وتكمل ببياناتك زي ما هي.

1. سجّل من صفحة ابدأ مجانًا باسمك واسم شركتك.
2. أكّد بريدك من الرسالة اللي هتوصلك.
3. ضيف عملاءك أو استوردهم من Excel.
4. ادعُ فريقك من صفحة الموظفين.

في جولة تعليمية بتظهر أول مرة، وتقدر تشغلها في أي وقت من زرار البوصلة فوق.

لأ. AdamCRM بيشتغل من المتصفح على أي جهاز. وعلى الموبايل تقدر تضيفه للشاشة الرئيسية ويشتغل زي التطبيق.

مناسب لأي شركة عندها عملاء ومتابعات: العقارات، العيادات، التعليم والكورسات، التجارة الإلكترونية، المطاعم، الشركات الخدمية وB2B. تقدر تعدّل مراحل البيع ومصادر العملاء على حسب شغلك.

في 3 باقات بتختلف في عدد المستخدمين والمميزات: Starter وProfessional وBusiness. الأسعار الحالية والعروض موجودة في صفحة الأسعار، والاشتراك شهري أو سنوي، والسنوي أوفر.

عندك أكتر من طريقة من صفحة الاشتراك جوه حسابك:

• فودافون كاش أو إنستا باي: حوّل المبلغ على الرقم الظاهر وارفع صورة الإيصال، وبنفعّل اشتراكك بعد المراجعة ويوصلك إيميل تأكيد.
• الدفع الأونلاين بالكارت (لما يكون متاح).
• طلب تجديد يدوي والفريق يتواصل معاك.

بنراجع الإيصالات في أسرع وقت خلال مواعيد العمل، وغالبًا في نفس اليوم. أول ما الاشتراك يتفعل هيوصلك إيميل، وتقدر تتابع حالة الطلب من صفحة الاشتراك.

اكتب الكود في خانة عندك كوبون خصم؟ في صفحة الاشتراك قبل الدفع الأونلاين. لو فيه عرض شغال على الموقع، بيتطبق الخصم الأكبر بس، الكوبون والعرض مش بيتجمعوا.

بيوصلك تنبيه قبل الانتهاء بأيام. لو الاشتراك خلص من غير تجديد، الوصول بيتوقف مؤقتًا لكن بياناتك بتفضل محفوظة، وأول ما تجدد ترجع تشتغل علطول من مكانك.

أيوه، تقدر ترقّي أو تغيّر الباقة في أي وقت من صفحة الاشتراك أو بالتواصل معانا.

كل عملية دفع بيتعمل لها فاتورة إلكترونية، وتقدر تشوفها وتحمّلها من صفحة الاشتراك.

من الموظفين ← دعوة موظف اكتب إيميله واختار دوره. الدعوة بتوصله على الإيميل، وكمان بيظهرلك رابط تقدر تبعته له على واتساب.

• مالك الشركة: كل الصلاحيات، ومنها الاشتراك والدفع.
• مسؤول الشركة: إدارة الموظفين والإعدادات وكل البيانات.
• مدير المبيعات: كل العملاء والصفقات والتقارير وتوزيع الشغل.
• مشرف الفريق: متابعة الفريق وتوزيع العملاء والمهام.
• مندوب مبيعات: شغله هو بس، العملاء والصفقات والمهام المسندة له.
• خدمة العملاء: بيانات العملاء وتسجيل المتابعات.
• عرض فقط: يشوف من غير ما يعدّل.

التفاصيل كاملة في دليل الاستخدام.

أيوه، من الإعدادات ← الأدوار تعمل دور مخصص وتختار صلاحياته واحدة واحدة.

لأ. المندوب بيشوف العملاء المسندين له بس، إلا لو اديته صلاحية عرض كل العملاء.

كل باقة لها حد أقصى للمستخدمين. لو احتجت عدد أكبر رقّي الباقة أو تواصل معانا.

من العملاء ← استيراد ارفع ملف CSV، وطابق كل عمود بالحقل المناسب (الاسم، الموبايل، البريد...). النظام بينبهك على العملاء المكررين.

أيوه، من صفحة العملاء تقدر تصدّر ملف CSV حسب صلاحياتك. بياناتك ملكك في أي وقت.

• الاتصال مشفّر بالكامل (HTTPS).
• كلمات المرور متخزنة مشفرة.
• بيانات كل شركة منفصلة تمامًا عن غيرها.
• في حماية بخطوتين تقدر تفعّلها.
• بنعمل نسخ احتياطي يومي لقاعدة البيانات.

تواصل معانا في أسرع وقت. حسب وقت الحذف ممكن نرجّعه من النسخة الاحتياطية.

أيوه، اكتب الرقم بكود الدولة (مثلًا +966 أو +971). الأرقام المصرية اللي بتبدأ بـ 0 بيتظبط كودها تلقائي، وكمان الأرقام المكتوبة بالعربي.

اعمل مهمة وحدد وقت التذكير. في الميعاد بيوصل للموظف المسؤول إشعار جوه الموقع وإيميل فيه كل بيانات العميل وزراير اتصال وواتساب مباشر.

1. دوّر في مجلد Spam أو Promotions.
2. ضيف no-reply@adam-crm.online لجهات الاتصال.
3. اتأكد إن بريدك مكتوب صح في حسابي.

ولو المشكلة فضلت، كلمنا.

من الإعدادات ← التكاملات ← Meta Lead Ads اربط صفحتك، وأي Lead جديد من إعلاناتك بيدخل كعميل تلقائي ويتسند للمسؤول. متاح في الباقات اللي فيها التكاملات.

أيوه، من الإعدادات ← التكاملات تعمل مفتاح API وتبعت عملاء من موقعك أو أي نظام تاني. متاح في باقة Business.

من حسابي ← الحماية بخطوتين امسح الكود بتطبيق Google Authenticator أو أي تطبيق مشابه، واكتب الكود المكوّن من 6 أرقام. احتفظ بأكواد الاسترداد في مكان آمن.

من صفحة الدخول دوس نسيت كلمة المرور؟ واكتب بريدك، وهيوصلك رابط تعيين كلمة مرور جديدة.

من زرار English / العربية فوق، أو من حسابي. كل مستخدم يختار لغته، والإيميلات بتوصله بنفس اللغة.

من صفحة اتصل بنا على الواتساب أو الإيميل أو ابعت رسالة من الفورم، وبنرد عليك في أسرع وقت.

تواصل معانا من صفحة اتصل بنا، وبعد التأكد من هويتك بنمسح بيانات شركتك نهائيًا، ونقدر نديك نسخة منها قبل المسح.